Author: Noor Ali Fatima

Agar koi behan apne shohar ki hifazat, sehat, kamiyabi aur us ki mohabbat hasil karne ke liye wazifa karna chahti hai to us ke liye woh Jumma ke din Isha ki namaz ke baad awwal aur aakhir 10-10 martaba durood pak parhe aur darmiyan mein woh 300 martaba Surah Al-Ikhlas aur 100 martaba durood-e-Ibrahimi parhe. Yeh wazifa aap 7 din tak jari rakhein. 7 din ke baad aap 3 masakeen ko khana khilayein aur Surah Al-Ikhlas ko paak siyahi se tehreer karke apne ghar mein rakhein takeh aap ke shohar par dobara kala jadoo aur nazar bad asar na kare.

Agar koi khatoon yeh chahti hai ke us ka shohar hamesha us se mohabbat kare aur us ki har baat mane to is maqsad ke liye woh behan Jumma ke din Isha ki namaz ke baad do nafal namaz Hadiya Bibi Fatima salamullahalaiha is tarah ada karein. Inn dono nafal mein woh Alhamd Shareef ke baad 14-14 martaba Surah Ikhlas tilawat kare.

Surah Kausar ka wazifa ke liye aap Isha ki namaz ke baad awal aur aakhir 3-3 martaba Durood Ibrahim parhein aur darmiyan mein aap 21 martaba Surah Kausar aur 3 martaba Ayat ul Kursi parhein. Is wazife ko hamesha jari rakhein.

Dua For Husband Success
Ager koi behan ye chahti hai ke uske shohar ko zindagi ke har maidan mein kamiyabi hasil hoti rahe aur us ka shohar apni biwi se hamesha muhabbat karta rahe to woh 7 din tak dua mubarak Hasbunallahu wa ni’mal wakeel ka wazifa kare. Is wazife ke liye aap Jumma ke din Isha ki namaz ke baad awwal aur aakhir 10-10 martaba durood pak word karein aur darmiyan mein aap 700 martaba dua mubarak Hasbunallahu wa ni’mal wakeel wrid karein.

Naraz Shohar Ko Manane Ka Wazifa

Durood Taj aap ko bazaar se aasani se mil jayega is ke ilawa har paanch sorah mein Durood Taj diya gaya hota hai. Durood Taj ka wazifa shohar ki narazgi aur gussa ko hamesha ke liye khatam kardeta hai, aur is maqsad ke liye aap Jumma ke din Isha ki namaz ada karne ke baad awal aur aakhir 10-10 martaba Durood Pak parhein, aur darmiyan mein aap dononfl namaz Hadiya Bibi Fatima (SA) ada karein, aur nawafil ada karne ke baad aap 41 martaba Durood Taj muhabbat se parhein, aur ye wazifa aap 14 din tak jari rakhein.