Aaj ki is post me hum aap ko shohar ka najaiz rishta maloom karne ki dua bataye gey . Dor e hazar me hamari bhot si bahne shohar k najaiz rishta hone par bhot preshan rahti hain or koi sabot na hone ki waja se yeh sabit nahi kar paati ke un k shohar ka najaiz rishta hai . Or na hi unke hath koi khatir khuwah suboot lag pata hai jis ki waja se na hi wo sabat kar pati hain or na hi us taluq ko khatam kar sakti hain . Is post me hum aap ko shohar ka najaiz rishta khatam karne ki dua bataye ge . Is dua ko kar lene se apko chand hi ghanton me shohar ke najaiz taluq ke baray me pata chal jaye ga . Is dua ki madad se na sirf aap ko shohar ke najaiz rishta ka ilam ho jaye ga balkay yeh bhi maloom ho jaye ga k wo taluq kis noiyat ka hai or aap ba’asani yeh sabit kar sakti hain k shohar aap ko dhoka de raha hai .
Dor e hazar me yeh masla bhot hi aham or qabil e tawaja hai magar afsos k koi bhi khul kar is par baat nahi karta or na hi khawateen iska theek se andaza laga pati hain or dhokay ka shikaar ho kar anxiety or depression ka shikaar ho jati hain or sharmindagi ki waja se kisi se apna masala share bhi nahi kar pati . Dusri taraf jab bhi shohar se is mamla ke baray me baat karna chahti hain to shoahar ko biwi k darmyaan shadeed larai jhagray or preshaani or preshaani ka mahol bn jata hai jiski waja se aksar aukaat khawateen panic condition me chali jati hain or beemar ho jaati hain . Baaz dafa shohar kaam ki waja se masroofiyat ki waja se bhi ghar ko biwi ko or bachon ko proper waqt nahi de pata jiski waja se aksar ki biwia preshaan ho kar yeh sochne par majboor ho jati hain ke kahin un ke shohar ka bahir kisi khatoon se taluq to nahi or preshan ho kar shohar se larai kar bethti hain or ghar ka pursukoon mahol shadeed besukooni me tabdeel ho jata hai . Is confusion ko khatam karne ke liye hamari btai gai dua aap ke liye bhot fayda mand sabit hogi . Is se aap ko yakeen ho jaye ga k aap k shohar ka taluq kisi khatoon se hai ya wo kisi kaam me masroofiyat ki waja se aap ko time nahi de pa raha . Yeh dua aap ke liye bhot hi fayda mand sabit hogi . Aaj tk hamari jin bahno ne bhi yeh dua hamaray bataye gaye tareeka pe ki unhen is ke beshumaar fuwaed mile . Yeh dua kar lene se aap ki bhi har qisam ki preshani or takleef khatam ho jaye gi or aap apni zehni halat ko behtar kar saken gay .
Dua batane se pahle aap ko hum kuchh aisi alamaat bataye gay jisko bhaanp lene se aap baasani maloom kar sakti hain ke aap ka shohar ap k sath wafadar hai ya nahi or bahir kisi khatoon se najaiz rishta banaye huay hai .
Shohar ka najaiz rishta maloom karne k liye chand alamaat aisi hain jin se aap bakhoobi andaza kar saken gi
Shohar ka najaiz rishta maloom karne ki alamaat darj zail hain :
- Jb bhi mard ka bahir koi taluq ho wo ghar me majood biwi or biwi se juray sb mamlaat ko wakt dena kam kar deta hai
- Jab shohar ghar ko biwi ko wakt dena kam kar de
- Jab shohar aap ki baat me dilchaspy lena band kar de
- Biwi koi bhi baat karna chahe or shohar bhot si limited sa jawab de
- Shohar ke sath hote huay bhi biwi ko aik akaila pan mahsoos hona
- Aisa mahsoos hona k ab shohar ne biwi ka khayal rakhna chhor diya hay
- Biwi kaya kar rahi hai kidhr aa ya jaa rahi shohar ko is baat se koi khaas faraq na parna or is baray me jan’nay ki koshish na karna
- Physical relation me kami ya duri ka aa jana
Yaad rahe yeh sb alamaat tb bhi zahir hoti hain jb shohar apne kuchh maamlat ki waja se preshani ka shikar ho jaise k nokri ke masail ya koi qarz k maslay ki waja se anxiety ka shikar ho sakta hai jiski waja se ghar walon ko tawajo nahi pata or bhot si khawateen yeh samjh leti hain ke unk shohar ka kisi khatoon se najaiz taluq hai . Khawateen ki isi confusion ko khatam karne k liye yeh dua batai jaa rahi hai .
Shohar ka najaiz taluq maloom karne ke liye darj zail dua kuchh is tarha ki jaye gi
- Dua karne k liye aap ne kisi aisi jaga ka intekhab karna hai jidhr tanhai or sukoon ho taakay koi bhi iradi ya ghair iradi tor par apko disturb na kar sake
- Aap ne bawazu ho kar qibla rukh ho kar jaye-namaz par beth jana hai or apne dill or demaag ko pursukoon karne ke liye 10 martaba durood paak parhna ha
- Jb aap dili or zehni tor par pursukoon or relax mahsoos karne lg jaye tb apne qibla rukh kharay ho kar 2 rakat salat-ul-hajat nafal ki niyat karni hai or apne maksad ko dill me rakhte hue salat-ul-hajat nafal ada karne hain
- Nafal ki adaygi k baad apne dono hath apne dill par rakh lene hain or 700 martba (INNA LILLAHI WA INNA ILAYHI RAJI’UN ka wazifa karna hai
- Wazifa khatam hone ke baad apne dobara 10 martaba durood ibraahimi parhna hai or Allah tala se sache dill se dua mangni hai
- Agar wazifa khatam ho jane par aap khud ko pursukoon mahsoos nahi karte hain to iska matlb hoga ke apko ishara mil chukka hai ke shohar kisi najaiz taluq me mulawas hai or apko dhoka de raha hai
- Or agar aisa nahi hota to iska matlb hoga ke shohar kisi preshani k bais ap se doori akhteyar kiye hue hai . aap ko chahiye ke ap pursukoon ho kar us se tasdeek karen or uska dill halka Karen
Agar ap mazeed is mamlay k baray me istikhara ya zaicha maloom karna chahe to aap syeda se whats app par rabta kar sakte hain aap ko apke tamam sawalon ke jawab diye jain gay or aap ke masalay ka hal bhi apko diya jaye ga .
(SYEDA QURAT UL AIN : 0309-8335438)
